Mae gennym gryn brofiad o groesawu grwpiau. Wedi’r cyfan, rydym wedi bod wrthi ers cryn amser.
Nid oes yn rhaid i chi edrych yn bell i weld pam ein bod mor boblogaidd. Yma mae rhai o ardaloedd arfordirol a gwledig gorau Prydain – does ond angen crybwyll apêl unigryw glan-môr Llandudno a mynyddoedd godidog Eryri. Mae’r cyfan o fewn cyrraedd hwylus hefyd – dim ond 20 milltir sydd o’r arfordir i gyrchfan fynyddig Betws-y-Coed, a dim ond 28 milltir o Landudno i droed yr Wyddfa.
Ar ben hynny, rydym o fewn cyrraedd hwylus i rwydwaith ffyrdd a rheilffyrdd gwych. A phan fydd grwp neu griw eich bws yn cyrraedd byddant yn darganfod pob math o weithgareddau, atyniadau ac adloniant ar garreg y drws, yn cynnwys cestyll a gerddi sydd ymhlith y gorau yn y byd, cyrsiau golff a theatrau.
Mae ein gwestai – yn enwedig mewn llefydd megis Llandudno a Betws-y-Coed – yn barod i groesawu grwpiau ac yn brofiadol iawn wrth gwrdd â’u hanghenion arbennig. Maen nhw’n hyblyg hefyd – gallwch aros am noson, ychydig ddyddiau neu wythnos – a byddant yn hapus iawn i roi cyngor wrth drefnu eich taith.
Mae trefnu tripiau dydd yn bleser gan fod dewis eang o lefydd i ymweld â hwy sydd o fewn cyrraedd hwylus. Ac ar gyfer grwpiau arbenigol mae digonedd o ddewis – gallwn gynnig ymweliadau ar themâu megis gerddi a golff, treftadaeth a gweithgareddau awyr agored.
Rydym yn aros yn eiddgar amdanoch i roi arweiniad a chyngor ynghylch eich ymweliad grwp. Cysylltwch â ni yma tourism@conwy.gov.uk.
I gael manylion am barcio bysiau yn ardal y wefan ewch i Gyngor Bwrdeistref Sirol Conwy.
Gwefan Dwristiaeth Swyddogol Cyrchfan Conwy
i ychwanegu eitem i’ch basged Amserlen.
