Dringo

Dringo yn sir Conwy

Ydych chi’n ddringwr brwdfrydig sy’n edrych am her newydd a chyffrous? Neu ydych chi eisiau dysgu’r sgiliau sylfaenol neu’n awyddus i gael diddordeb newydd? Beth bynnag yw’r rheswm mae Gogledd Cymru yn le perffaith i ddringwyr sydd eisiau gwella’u sgiliau.

Yn addas ar gyfer pob gallu

Mae Sir Conwy yn croesawu dringwyr o bob gallu. Felly os ydych yn ddechreuwr yn chwilio am her newydd, neu yn ddringwr profiadol yn edrych i wella eich sgiliau mae gan y sir gyfleusterau perffaith i bawb.  Gydag amryw o gyfleusterau dan do ac yn yr awyr agored bydd modd i chi ddringo beth bynnag y tywydd.

Canolfannau Dan Do a Chanolfannau Awyr Agored

Mae’r hen orsaf bad achub yn Llandudno wedi cael ei drawsnewid yn ddiweddar i fod yn Ganolfan Ddringo’r Boathouse. Gyda chlogfeini, tyrau, y naid fentrus a chyfleusterau abseilio mae gan y ganolfan newydd gyfleusterau i bob gallu rhwng 3 oed a 70 oed a hŷn. Fel un o atyniadau dan do gwych Llandudno gall dringwyr fwynhau amrywiaeth o weithgareddau beth bynnag y tywydd.  

Os ydi’n well gennych fwynhau’r awyr agored yna ewch i Ganolfan Awyr Agored Cenedlaethol Plas Y Brenin ym Metws-y-Coed. Mae’r ganolfan wedi bod yn cynnig gwyliau, cyrsiau ac alldeithiau am fwy na 60 o flynyddoedd ac mae’n nhw’n cynnig ystod o heriau ar gyfer pob gallu. O ddringo waliau i gyrsiau sgramblo caletach a hyd yn oed cyrsiau hyfforddwyr, mae rhywbeth at ddant pawb.

Ar gyfer y gorau o ddringo dan do ac yn yr awyr agored, Antur Parc Eryri yn Nolgarrog yw’r lle i chi. Mae eu cyfleuster Adrenalin Dan Do newydd yn cynnwys 10 llwybr clipio a dringo yn ogystal â ‘grisiau i’r nefoedd’ a’r ‘naid fentrus’. Mae waliau dringo 12 metr o uchder yn yr awyr agored hefyd gyda gwahanol lwybrau yn dibynnu ar eich gallu.

Dysgwch fwy ac archebu lle

Rŵan eich bod wedi cael blas o’r cyfleusterau sydd ar gael yn Sir Conwy beth am barhau i edrych trwy ein rhestr o ganolfannau dringo a nodi eich ffefrynnau. Fel arall, os hoffech gael mwy o wybodaeth am unrhyw un o’r canolfannau ar ein gwefan ffoniwch y tîm Canolfan Gwybodaeth i Dwristiaid ar 01492 577577.