Dweud eich dweud am economi gyda’r nos Sir Conwy

Mae Savills UK yn cynnal arolwg ar ran Cyngor Bwrdeistref Sirol Conwy yn ymwneud â darparu economi gyda’r nos ddiogel a chynaliadwy yn y sir.

Pwrpas yr Ymchwil

Pwrpas yr ymchwil hwn yw datblygu dealltwriaeth glir o’r economi gyda’r nos bresennol ac yn dilyn hynny, nodi camau y gellir eu cymryd i wella economi gyda’r nos Sir Conwy. 

Defnyddir yr economi gyda’r nos i ddisgrifio ystod eang o weithgareddau a gynhelir ar ôl 6pm a chyn 6am, mae hyn yn cynnwys pethau fel manwerthu, cludiant, bwyta allan, gweithgareddau hamdden neu fynychu digwyddiad neu gyngerdd.   Mae hefyd yn cynnwys gweithgareddau sy’n cefnogi’r sectorau hyn megis sicrwydd a diogelwch. 

Ffocws yr ymchwil hwn yw nodi ymyraethau i ddatblygu’r sector twristiaeth a chynnal buddion cytbwys i bobl leol ac ymwelwyr. 

Mae’r economi gyda’r nos yn chwarae rôl bwysig yng Nghonwy, Gogledd Cymru a Chymru, gan wneud cyfraniadau sylweddol i economi a bywiogrwydd canolfannau trefol a gwledig. 

Mae Cyngor Bwrdeistref Sirol Conwy yn cydnabod pwysigrwydd yr economi gyda’r nos fel sbardun arwyddocaol ar gyfer aros dros nos a dull allweddol o gynhyrchu swyddi twristiaeth o ansawdd uchel drwy gydol y flwyddyn.  Mae data STEAM 2022 ar gyfer Conwy’n dangos fod ymwelwyr sy’n aros dros nos yn cynrychioli 66% o’r effaith economaidd ond yn cyfrif am 27% o ymwelwyr. 

Bydd Astudiaeth Ddichonoldeb yn cael ei chynnal yn seiliedig ar ganlyniadau’r ymchwil gan nodi’r ymyrraeth a fydd yn cefnogi datblygiad a thwf yr Economi Gyda’r Nos yn Sir Conwy ac yn amlinellu llwybr Sir Conwy i ddod yn gyrchfan Baner Borffor.   Bydd yr astudiaeth yn cynnwys:

• Mapio’r Economi Gyda’r Nos

• Dadansoddi cyfleoedd a heriau

• Astudiaethau achos y DU ac Ewropeaidd yn amlygu arfer orau o ran rheoli a datblygu Economi Gyda’r Nos

• Cynllun gweithredu gyda chyfres o ymyraethau ac argymhellion a flaenoriaethir

Mae’r arolwg ar gael tan 21 Gorffennaf 2024 a gellir cael mynediad ato ar-lein.

Ariennir y prosiect hwn gan Gronfa Ffyniant Gyffredin Llywodraeth y DU