Economi Nos - FAQ

Cwestiynau Cyffredin:

Pa fathau eraill o waith sydd wedi cael eu cynnwys yn y prosiect ehangach?

Mae ein mathau eraill o waith yn cynnwys:

• Cynnal Ymgyrch Farchnata Twristiaeth Gaeaf ar gyfer Sir Conwy.  

• Datblygu Map Llwybr Treftadaeth Tref i gyd-fynd â’r llwybr yn Llandudno. 

• Gwaith atgyweirio a gwella cerfluniau Llwybr Alys.

• Darparu cyfleoedd rhwydweithio ar gyfer Llysgenhadon Twristiaeth Conwy. 

• Archwilio, cynllun cynaliadwyedd a chynllun gweithredu ar gyfer gwasanaeth gwybodaeth i dwristiaid Conwy.

Beth yw amserlenni’r prosiect?

Disgwylir i’r gwaith gael ei gwblhau erbyn Rhagfyr 2024.  Bydd amserlen benodol ar gyfer bob darn o waith a fydd yn ymofyn prosesau caffael gwahanol.  Bwriedir osgoi cwblhau’r gwaith ar gerfluniau llwybr Alys yn ystod misoedd prysur yr haf er mwyn sicrhau cyn lleied o amhariad â phosibl.

Faint fydd hyn yn ei gostio a phwy sy’n talu am hyn?

Cyfanswm cost y prosiect yw £294,000.   Mae’r prosiect hwn wedi’i ariannu’n llawn gan Lywodraeth y DU drwy Gronfa Ffyniant Gyffredin y DU.

Os oes gennych unrhyw ymholiadau, cysylltwch â twristiaeth@conwy.gov.uk. Er y byddwn yn gwneud ein gorau i ateb unrhyw ymholiadau, mae’n bosibl na fyddwn yn gallu ymateb i bawb yn unigol.   Byddwn yn anelu at ddiweddaru’r dudalen hon gydag unrhyw gwestiynau cyffredin felly sicrhewch eich bod yn gwirio’r dudalen hon i gael y wybodaeth ddiweddaraf.