Gwybodaeth fusnes

30/03/2020

NEGES FRYS: NODYN I FUSNESAU LLETY GWYLIAU

Daeth Rheoliadau Diogelu Iechyd (Cyfyngiadau Coronafeirws) (Cymru) 2020 (“y rheoliadau”) i rym o 4.00yp ar Ddydd Iau, 26 Mawrth. Byddant yn weithredol tan y byddwch yn clywed yn wahanol.

Mae “Y rheoliadau” yn disodli Rheoliadau Diogelu Iechyd (Coronafeirws: Cau Busnesau Hamdden, Llwybrau Troed a Thir Mynediad) (Cymru) 2020.

Mae'r Rheoliadau (linc yma) yn gweithredu polisi Llywodraeth Cymru y dylai llety gwyliau gau.

Mae’r rheoliadau yn gosod dyletswydd ar berchnogion y busnesau hyn i wneud pob ymdrech o fewn eu gallu i wacáu o’r adeiladau pawb oni bai am yr eithriadau a geir ar-lein.

Gellir gweld canllawiau penodol (gan gynnwys y rhestr o eithriadau) ar gyfer busnesau llety gwyliau yng Nghymru yma

Dylai perchnogion gymryd camau i gau o safbwynt defnydd masnachol cyn gynted ag sy’n ddiogel i wneud hynny.

27/03/2020

Cymorth i'r hunan-gyflogedig 

Mae Llywodraeth y DU wedi cyhoeddi pecyn cymorth ar gyfer yr hunan-gyflogedig yr effeithiwyd arnynt gan yr achosion o Coronafeirws, gan ddod â chefnogaeth i'r un lefel ag ar gyfer cyflogeion.

Mae'r Cynllun Cymorth Incwm Hunan-Gyflogedig newydd yn golygu y bydd y rhai sy'n gymwys yn cael grant arian parod gwerth 80% o'u helw masnachu misol cyfartalog dros y tair blynedd diwethaf. Mae hyn yn cwmpasu 95% o bobl sy'n cael y rhan fwyaf o'u hincwm o hunangyflogaeth.

Bydd unigolion yn gwneud cais yn uniongyrchol i HMRC am y grant trethadwy, gan ddefnyddio ffurflen ar-lein syml, gyda'r arian yn cael ei dalu'n uniongyrchol i gyfrif banc y bobl

Am ragor o fanylion, gweler y linc isod

LINC

*******************************************

Cynllun Cadw Swyddi yn sgil y Coronafeirws

Mae Llywodraeth y DU wedi rhyddhau rhagor o wybodaeth am y cynllun uchod

O dan y cynllun bydd pob cyflogwr yn y DU sydd â chynllun TWE a grëwyd ac a gychwynnwyd ar 28 Chwefror 2020 neu cyn hynny, yn gallu cael cymorth i barhau i dalu rhan o gyflog eu gweithwyr ar gyfer y rhai a fyddai wedi'u diswyddo fel arall yn ystod yr argyfwng hwn.

Am ragor o fanylion, gweler y linc isod

LINC

****************************************

Gwirfoddoli Cymru

GWIRFODDOLI A’R CORONAFEIRWS – SUT GALLWCH CHI HELPU?

Cyfleoedd i gynorthwyo gyda phandemig y Coronfeirws yma

Os hoffech gofrestru eich cyfleoedd gwirfoddoli cliciwch yma

****************************************

Gweler hefyd y ddolen atodedig i wefan Busnes Cymru sy'n cynnwys yr holl wybodaeth a’r cyngor cyfredol sydd ar gael gan Lywodraeth Cymru.

LINC

26/03/2020

Manylion y pecyn cymorth ar gyfer y hunan-gyflogedig yn ôl cyhoeddiad y Canghellor 26/03/2020.

Cynllun Cefnogi Incwm Hunan-Gyflogaeth Coronafeirws

Os ydynt wedi dioddef colled mewn incwm, telir grant trethadwy i'r hunan-gyflogedig neu bartneriaethau, gwerth 80% o'u helw hyd at uchafswm o £2,500 y mis.

I ddechrau, bydd hwn ar gael am dri mis mewn un taliad cyfandaliad, a bydd yn dechrau cael ei dalu o ddechrau mis Mehefin.

Fe'i gelwir yn gynllun incwm Hunan-Gyflogaeth Coronafirws, ac mae'n agored i'r rhai a oedd yn masnachu yn y flwyddyn ariannol ddiwethaf, yn dal i fasnachu nawr, ac yn bwriadu parhau i wneud hynny eleni.

Pwy sy'n gymwys?

Mae angen i fwy na hanner incwm yr hawlydd ddod o hunan-gyflogaeth.

Bydd y cynllun yn agored i'r rhai sydd ag elw masnachu o lai na £50,000 yn 2018-19, neu elw masnachu cyfartalog o lai na £50,000 o 2016-17, 2017-18 ac 2018-19.

Ni fydd y rhai sy'n hunan-gyflogedig yn ddiweddar ac nad oes ganddynt flwyddyn lawn o gyfrifon yn cael unrhyw gymorth o dan y cynllun hwn.

Mae cymorth newydd y Llywodraeth yn dod ar ben medru oedi am chwe mis taliadau treth drwy'r system hunan-asesu.

Mae'r rheini sydd â'r incymau isaf yn unol â chael taliadau budd-daliadau mwy hael, a gyhoeddwyd o'r blaen. Dywedodd y Canghellor y dylai'r rhai sy'n gwneud cais am gredyd cynhwysol gael eu talu o fewn ychydig ddyddiau.

Gweler hefyd y ddolen atodedig i wefan Busnes Cymru sy'n cynnwys yr holl wybodaeth a’r cyngor cyfredol sydd ar gael gan Lywodraeth Cymru.

https://businesswales.gov.wales/cy/cymorth-llywodraeth-i-fusnesau

25/03/2020

COVID 19 - CYFARWYDDYD AR GYFER PERCHNOGION A GWEITHREDWYR PARCIAU GWYLIAU:

Rheoliadau Diogelu Iechyd (Coronafirws: Cau Busnesau Hamdden, Llwybrau Troed a Thir Mynediad) (Cymru) 2020

Sylwch, gan fod y sefyllfa hon yn esblygu'n gyflym mewn perthynas â diffiniad achos a'r gwledydd yr effeithir arnynt, edrychwch ar dudalen Coronafirws Iechyd Cyhoeddus Cymru sy'n cael ei ddiweddaru bob dydd am 11am:

https://phw.nhs.wales/news/public-health-wales-statement-on-novel-coronavirus-outbreak/

Gellir dod o hyd i ragor o wybodaeth:

Tudalen Cwestiynau Cyffredin Llywodraeth Cymru a thudalen GIG y DU.

Dyluniwyd y ddogfen ganllaw hon i ddarparu arweiniad penodol i weithredwyr parciau carafannau gwyliau ledled Cymru. Darllenwch y ddogfen ganllaw yn fanwl yma.

Bydd y ddogfen hon yn cael ei diweddaru'n rheolaidd wrth i wybodaeth, arweiniad a chefnogaeth bellach ddod ar gael.

Cynllun Benthyciadau Ymyrraeth Busnes

Mae Cynllun Benthyciadau Ymyrraeth Busnes dros dro sy'n cynnwys amrywiaeth o gynhyrchion gwahanol megis benthyciadau, gorddrafftiau, cyllid anfonebau a chyllid asedau  a ddarperir gan fanc busnes Prydain, wedi’i lansio ar 23 Mawrth,  i helpu busnesau bach a chanolig yn bennaf i gael mynediad at fenthyciadau a gorddrafftiau banc

Am fanylion pellach ar sut i wneud cais a meini prawf cymhwysedd gweler y ddolen isod

https://www.british-business-bank.co.uk/ourpartners/coronavirus-business-interruption-loan-scheme-cbils/for-businesses-and-advisors/

***

Canllawiau Coronafirws i Fusnesau ac Eiddo ychwanegol sydd i Gau

Yn dilyn y cyhoeddiad ddoe yn cyflwyno mesurau newydd sylweddol i arafu lledaeniad Coronafirws, gellir dod o hyd i ganllawiau YMA ar gau pob manwerthwr sy'n gwerthu nwyddau nad ydynt yn hanfodol ac adeiladau nad ydynt yn hanfodol, fel rhan o fesurau ychwanegol pellhau cymdeithasol.

https://bit.ly/2JbqwmX

***

Briffio Adeiladu

Paratowyd y briff byr hwn ar ran sector adeiladu'r DU i friffio cwmnïau ac unigolion ar ôl-effeithiau parhaus coronafirws Covid-19:

DARLLENWCH YMA

https://bit.ly/2QJWSJT

***

Gweler hefyd y ddolen atodedig i wefan Busnes Cymru sy'n cynnwys yr holl wybodaeth a chyngor sydd ar gael gan Lywodraeth Cymru ar hyn o bryd, gan gynnwys manylion pellach am gynlluniau a gyhoeddwyd yn natganiad y Canghellor ar 20 Mawrth 2020

https://businesswales.gov.wales/cy/cymorth-llywodraeth-i-fusnesau

Tŷ'r Cwmnïau - estyniad 3 mis

Cwmnïau i dderbyn cyfnod estyn o 3 mis i ffeilio cyfrifon yn ystod COVID-19

Rhoddir 3 mis ychwanegol i fusnesau i ffeilio cyfrifon gyda Thŷ'r Cwmnïau i helpu cwmnïau i osgoi cael eu cosbi wrth iddynt ddelio ag effaith COVID-19.

O heddiw ymlaen (25 Mawrth 2020), bydd busnesau yn gallu gwneud cais am estyniad o 3 mis ar gyfer ffeilio eu cyfrifon.

Bydd y fenter ar y cyd hon rhwng y llywodraeth a Thŷ'r Cwmnïau yn golygu y gall fusnesau flaenoriaethu rheoli effaith Coronafirws.

Fel rhan o'r mesurau y cytunwyd arnynt, er y bydd yn rhaid i gwmnïau wneud cais pob tro am i'r estyniad 3 mis gael ei ganiatáu, bydd y rhai sy'n nodi materion yn ymwneud â COVID-19 yn cael estyniad yn awtomatig ac ar unwaith. Gellir gwneud ceisiadau trwy system ar-lein trac cyflym a fydd yn cymryd dim ond 15 munud i'w gwblhau.

DARLLEN MWY

24/03/2020

Cynllun Cadw Swyddi Coronafeirws

O dan y Cynllun Cadw Swyddi Coronafeirws, bydd pob cyflogwr yn y DU yn gallu cael gafael ar gymorth i barhau i dalu rhan o gyflog eu gweithwyr i'r gweithwyr hynny a fyddai fel arall wedi'u diswyddo yn ystod yr argyfwng hwn, mae pob busnes yn y DU yn gymwys.

I gael mynediad i'r cynllun bydd angen i fusnesau:

• dynodi gweithwyr yr effeithir arnynt yn 'weithwyr sydd wedi cael caniatâd i fod yn absennol o’r gwaith,' a hysbysu eich cyflogeion o'r newid hwn - mae newid statws gweithwyr yn dal i fod yn ddarostyngedig i gyfraith cyflogaeth bresennol ac, yn dibynnu ar y contract cyflogaeth, efallai y bydd yn destun negodi
• cyflwyno gwybodaeth i CThEM am y cyflogeion sydd wedi cael caniatâd i fod yn absennol o’r gwaith a'u henillion drwy borth ar-lein newydd, nid yw'r porth hwn ar waith eto a byddwn yn cyhoeddi manylion cyn gynted ag y byddant ar gael (bydd CThEM yn nodi manylion pellach ar y wybodaeth ofynnol

Bydd HMRC yn ad-dalu 80% o gostau cyflogau gweithwyr sydd wedi cael caniatâd i fod yn absennol o’r gwaith, hyd at gap o £2,500 y mis. Mae CThEM yn gweithio ar frys i sefydlu system ar gyfer ad-dalu. Nid yw'r systemau presennol wedi cael eu sefydlu i hwyluso taliadau i gyflogwyr.

Gweler hefyd y ddolen atodedig i wefan Busnes Cymru sy'n cynnwys yr holl wybodaeth a chyngor sydd ar gael gan Lywodraeth Cymru ar hyn o bryd, gan gynnwys manylion pellach am gynlluniau a gyhoeddwyd yn natganiad y Canghellor ar 20 Mawrth 2020.

https://businesswales.gov.wales/cy/cymorth-llywodraeth-i-fusnesau

Gwasanaeth Arian a Phensiynau (MPS)

Cefnogi lles ariannol yn ystod yr achosion o Covid-19

Mae llawer o bobl yn y DU yn gwynebu ansicrwydd wrth i'r sefyllfa coronafirws ddatblygu ymhellach, yn anad dim o ran eu lles ariannol.

Mae'r Gwasanaeth Arian a Phensiynau wedi cyhoeddi canllawiau yn Saesneg a Chymraeg ar sut i ddelio ag effeithiau ariannol y gallech chi, eich gweithwyr a'ch defnyddwyr gwasanaeth fod yn dioddef ohonynt.

Cliciwch yma i gael mwy o wybodaeth

23/03/2020

 Mae Cyngor Conwy yn gweithio gyda Llywodraeth Cymru i weithredu pecynnau cymorth cyllidol brys a gyhoeddwyd.

Mae'r manylion yn dal i gael eu cwblhau a byddwn yn rhoi'r cynlluniau hyn ar waith cyn gynted ag y gallwn.

Bydd gwybodaeth ac unrhyw ffurflenni cais ar-lein perthnasol ar gael ar y dudalen hon cyn gynted ag y bo modd.

https://www.conwy.gov.uk/cy/Business/Business-Rates/Welsh-Government-Business-Grants.aspx

Edrychwch yn ôl yma o bryd i'w gilydd am ddiweddariadau.

20/03/2020

Gwelir manylion cryno o'r cyhoeddiad diweddaraf am gefnogaeth sydd ar gael i fusnesau bach i'w helpu yn ystod yr achosion o coronafeirws

Prif bwyntiau cynhadledd newyddion Canghellor y Trysorlys – 20/03/20:

• Bydd y Llywodraeth yn camu i mewn i helpu i dalu cyflogau pobl trwy gynllun cadw swyddi coronafeirws. Gall busnesau wneud cais am grant o hyd at £2,500 y mis i dalu 80% o gyflog y rhai sy'n cael eu cadw ond nad ydynt yn gweithio

• Mae TAW ar bob busnes yn cael ei gohirio tan ddiwedd Mehefin a bydd y cynllun benthyciadau busnes yn ddi-log am 12 mis bellach

• Y bydd lwfans credyd cynhwysol yn cynyddu £1,000 y flwyddyn ac y caiff yr hunanasesiadau treth nesaf eu gohirio tan ddechrau'r flwyddyn nesaf

• Bydd y hunangyflogedig yn cael credyd cynhwysol llawn ar gyfradd sy'n cyfateb i dâl salwch statudol, a £1 biliwn arall i dalu am 30% o gostau rhentu tai

• Mae Mr Sunak yn addo mesurau pellach yr wythnos nesaf i sicrhau y bydd busnesau mwy a chanolig eu maint yn gallu cael y credyd sydd ei angen arnynt

Gweler hefyd y ddolen atodedig i wefan Busnes Cymru sy'n cynnwys yr holl wybodaeth a’r cyngor cyfredol sydd ar gael gan Lywodraeth Cymru.

https://businesswales.gov.wales/cy/cymorth-llywodraeth-i-fusnesau