Am

Mae enw Cymraeg Min y Don yn berffaith i ddisgrifio lleoliad y tŷ llety ar Draeth y Gogledd enwog yn Llandudno. Dafliad carreg o fae cilgant, gyferbyn â'r fynedfa i’r Pier Fictoraidd ac wrth odre’r Gogarth gyda mynediad hawdd at Dramffordd y Gogarth, Gerddi'r Fach a Char Cebl Llandudno. Canolbwynt perffaith i fwynhau golygfeydd, llwybrau cerdded ac atyniadau Llandudno.  

Mae Min y Don wedi gweithredu fel gwesty/tŷ llety ers sawl degawd. O dan berchnogaeth newydd ers yr Hydref 2018, roedd eich gwesteiwyr Teresa a Rheinallt wedi syrthio mewn cariad â'r lleoliad, gan weld cyfle gwych i ddarparu llety o ansawdd gyda golygfeydd trawiadol am bris rhesymol. Fel perchnogion tai llety profiadol a theithwyr brwd, mae'r ddau yn gwerthfawrogi gwerth llety o ansawdd da, darpariaeth brecwast rhagorol, a chroeso "Cymreig" traddodiadol, yn ddi-os.   

Maent yn darparu'r un safonau ag yr hoffent eu derbyn - nid yw'n sychlyd - ond yn gyfforddus, cyfeillgar gyda mân fanylion ychwanegol moethus a meddylgar lle bo modd, na all y lleoliadau 5 seren eu darparu hyd yn oed. Mae rhaglen adnewyddu ar y gweill i sicrhau bod Min y Don “o’r radd flaenaf", gan gymryd mantais lawn o leoliad hardd sy'n cynnig golygfeydd trawiadol dros Draeth y Gogledd.

Mae Min y Don yn cynnig nifer cyfyngedig o leoedd parcio ar y safle, cysylltiad Wi-Fi cyflymder uchel am ddim a Theledu Clyfar ymhob ystafell. Mae gan bob ystafell en-suite preifat gyda phethau ymolchi o ansawdd da, a chyfleusterau gwneud te/coffi. Mae’r ystafelloedd gwely wedi’u lleoli dros dri llawr gyda mynediad drwy ddefnyddio'r grisiau canolog. Noder - Nid oes gan dŷ llety Min y Don fynediad lifft at y lloriau uwch. Yn anffodus ni allwn dderbyn anifeiliaid anwes.