Am

Mae Amgueddfa ac Oriel Llandudno’n amgueddfa aml gyfnod a gaiff ei chynnal gan ymddiriedolaeth elusennol.

Mae gan yr Amgueddfa chwe oriel barhaol yn adrodd hanesion gorffennol Llandudno gan gynnwys y trigolion cynharaf, creu’r dref Fictoraidd, a’i lle fel hafan ddiogel yn ystod yr Ail Ryfel Byd. 

Dewch i ddarganfod pryd gynhaliodd Llandudno’r Ŵyl Olympaidd ddwywaith, ble lleolwyd asiantwyr dwbl yn ystod yr Ail Ryfel Byd, a’r cadwraethwyr cynnar a fu’n ymgyrchu i achub yr Hebog tramor.

Mae digon o bethau i ddiddanu’r teulu cyfan, gan gynnwys llwybrau i blant, cwisiau, theatr Punch and Judy, a gweithgareddau â themâu tymhorol.

Mae’r Amgueddfa’n cynnal cyfres o deithiau cerdded rheolaidd yn seiliedig ar dreftadaeth y dref, taith Canfod Draeniau arbennig yn canolbwyntio ar isadeiledd Fictoraidd a thaith o amgylch yr Hen Dref yn edrych ar Landudno cyn iddi ddod yn gyrchfan boblogaidd. Yn ystod y gwanwyn a’r haf, rydym yn cynnal teithiau bioamrywiaeth sy’n archwilio blodau Llandudno.

Mae gan yr Amgueddfa siop sy’n gwerthu anrhegion Cymreig unigryw, gallwch ymweld â’r siop yn ogystal â’n gardd Fioamrywiaeth yn rhad ac am ddim.

Gellir prynu tocynnau ar ein gwefan neu drwy ddefnyddio’r tab tocynnau ar y dudalen hafan neu yn nerbynfa’r amgueddfa. Gellir archebu tocynnau dros e-bost neu dros y ffôn.

Mae gwybodaeth am y digwyddiadau sydd gennym ar y gweill ar gael ar ein tudalen Beth Sydd Ymlaen neu drwy ymweld â’n tudalen Facebook. 

Os oes gennych chi unrhyw ymholiadau, ffoniwch 01492 701490 neu anfonwch e-bost at info@llandudnomuseum.co.uk.