Am

Mae Llwybr Brenig yn mynd o amgylch Llyn Brenig drwy’r goedwig ac ar hyd y glannau. Mae’r rhan fwyaf o’r llwybr oddi ar y ffordd ond ceir un darn byr ar hyd ffordd eilaidd ac un allt. Mae’r llwybr yn addas ar gyfer teuluoedd sydd am gerdded neu feicio, ac mae tua 9.5 milltir (15 cilomedr) o hyd. Os hoffech fynd ar daith hirach, gallwch gerdded o amgylch y ddau lyn a dilyn Llwybr Alwen hefyd. Mae’r daith yn dechrau ac yn dod i ben ger y Ganolfan Ymwelwyr lle gallwch barcio yn ogystal â llogi beiciau, hefyd mae yma doiledau a chaffi sydd ar agor rhwng mis Mawrth a mis Hydref.