Am

Mae’r gylchdaith hon yn mynd â chi o amgylch Llyn Crafnant yng ngodidowgrwydd Parc Cenedlaethol Eryri uwchlaw pentref Trefriw yn Nyffryn Conwy.

Mae’r llwybr yn 2.5 milltir (4 km) o hyd ac yn addas i fynd â phramiau ar hyd-ddi.

Cychwynnwch o’r maes parcio ym mhen gogleddol Llyn Crafnant a dilynwch y llwybr o amgylch y llyn mewn cyfeiriad gwrthglocwedd gan ddilyn yr arwyddbyst.

Wrth i chi ddychwelyd yn ôl mae’r llwybr yn ymuno â lôn fechan lle mae yna gaffi yn darparu lluniaeth (ar agor yn ystod yr haf yn unig). Mae’r toiledau yn y maes parcio.