Am

Teithiwch i dopiau Bae Colwyn i gyfarfod anifeiliaid o bob cwr o’r byd, gweld golygfeydd arbennig a chrwydro Gerddi Flagstaff a’u harddwch sy’n gartref i’r Sŵ gadwraeth wobrwyol yma.

Crwydrwch y llwybrau coediog, ymlaciwch ar y llethrau gleision a threuliwch y diwrnod yn dysgu am lawer o rywogaethau prin a rhai sydd mewn perygl o Brydain a gweddill y byd; o lewpardiaid yr eira i tsimpansïaid, pengwiniaid Humboldt i swricatiaid.

NEWYDD AR GYFER PASG 2025 – Tŷ Gloÿnnod Byw Coedwig Papilio

Camwch i fyd llawn bywyd Coedwig Papilio, lle mae gloÿnnod byw trofannol yn hedfan hyd y lle! Dyma gyfle i chi gamu i mewn i gynefin lle cewch chi ryfeddu at y creaduriaid hynod yma gyda’ch llygaid eich hun wrth ddysgu am eu harferion a’u cylchoedd bywyd difyr. Gydag arddangosfeydd rhyngweithiol a rhaglenni addysgol hwyliog, mae Coedwig Papilio yn eich gwahodd i gael eich synnu gan harddwch eithriadol gloÿnnod byw, a darganfod pwysigrwydd gwarchod y creaduriaid brau yma ar gyfer cenedlaethau’r dyfodol.

Archebwch eich tocynnau heddiw i fwynhau diwrnod gwyllt yn y Sŵ Fynydd Gymreig. Dyma’r lle mae cadwraeth yn dod yn fyw!