Am

Mae ymweld â Mwyngloddiau Copr y Gogarth yn brofiad sy’n procio’r meddwl ac mae’n brofiad addysgol y bydd plant ac oedolion o bob oed yn ei fwynhau.

Mae cerdded drwy dwneli a gafodd eu cloddio dros 3,500 o flynyddoedd yn ôl yn rhoi syniad i’r ymwelwyr o’r amodau caled roedd ein cyndeidiau cynhanesyddol yn eu hwynebu wrth chwilio am gopr.

Pan ddewch chi’n ôl at yr wyneb, gallwch ddilyn y llwybrau cerdded o amgylch y gwaith cloddio ar yr wyneb. 

Gallwch weld y mwynglawdd brig, gweld sut roedd ein cyndeidiau’n troi carreg yn fetel yn y gysgodfan fwyndoddi ac edrych i lawr y siafft mwyngloddio o oes Fictoria, sy’n 145 metr o ddyfnder.

Nid oes angen cadw lle o flaen llaw, gallwch brynu eich tocyn wrth gyrraedd. Croeso i gŵn.