Neuadd a Sba Bodysgallen

Am

Mae Neuadd a Sba Bodysgallen, wedi’i leoli mewn 230 erw o erddi a pharcdir llawn coed, yn neuadd nodedig Gradd 1 o’r ail ganrif ar bymtheg sy’n mwynhau golygfeydd godidog o’i gerddi ffurfiol hyd at Gastell Conwy a mynyddoedd mawreddog Eryri.

Yn llawn hanes lleol, ac yn wreiddiol yn dŵr gwylio yn ystod cyfnod adeiladu Castell Conwy yn y drydedd ganrif ar ddeg cyn bod yn gartref teuluol drwy berchnogaeth Richard Mostyn yn y cyfnod Elisabethaidd hwyr.

Yma, gall gwesteion ymgolli yn y profiad tŷ gwledig hanfodol hwn. Mae gan Neuadd Bodysgallen 31 ystafell wely, gyda 15 wedi'u lleoli yn y brif dŷ ac 16 bwthyn yn y gerddi sydd wedi cael eu hadnewyddu o'r tai allan gwreiddiol. Mae'r rhain oll wedi cael eu haddurno gyda gwedd tŷ gwledig, a'u dodrefnu gyda hen ddodrefn, printiau coeth a darluniau.

Yn y prif dŷ, gall gwesteion ac ymwelwyr fwynhau’r bwyty rhagorol, sydd wedi ennill tri rosette yn gyson gan yr AA. Yn cynnwys bwydlenni llawn dychymyg gan Prif Gogydd y bwyty sydd wedi ennill gwobrau, mae’r bwyd yn llawn blasau Cymreig, cynnyrch ffres, a lleol a ffrwythau a llysiau tymhorol o ystâd Neuadd Bodysgallen. Gweinir Te Prynhawn traddodiadol drwy gydol yr wythnos.

Mae’r bwyty yn mynd allan i deras haul ar y lawnt, sy’n edrych dros olygfeydd o’r ardd, ac sydd wedi cael ei gydnabod am ei waith adnewyddu a enillodd wobrau. Mae’r gerddi’n cynnwys parterre o'r ddeunawfed ganrif sy'n cynnwys gwrych sgwâr gyda arogl perlysiau, brigiadau calchfaen naturiol a gardd gerrig gyda rhaeadr, gerddi o fewn waliau pwll lili a sawl ffug-dŵr. Mae sawl llwybr coediog i’w cerdded; un o'r rhain yw Taith Pentref Pydew, sy'n arwain at obelisg wedi'i leoli ar ben Bryn Ffrith.

Gall gwesteion ac ymwelwyr fwynhau cyfleusterau iechyd a hamdden gwych yn Sba Bodysgallen, lle mae therapyddion proffesiynol yn cynnig ystod eang o driniaethau harddwch a lles, gan ddefnyddio cynnyrch Aromatherapy Associates, Environ Skin Care ac ewinedd a cholur gan Jessica. Mae’r Sba yn gartref i bwll nofio mawr, pum ystafell ar gyfer triniaethau harddwch, bath sba, sawna, ystafell stêm a champfa. Gall gwesteion fwynhau lluniaeth ysgafn wedi’i weini yn Ystafell y Clwb ar y teras, ar ddyddiau cynnes.

Mae Neuadd Bodysgallen yn cynnig cyfleusterau arbennig ar gyfer priodasau, digwyddiadau cymdeithasol a chyfarfodydd. Mae Ystafelloedd Wynn, sydd wedi’u lleoli gyferbyn â’r tŷ gyda stablau a adnewyddwyd o’r adeiladau gwreiddiol sy'n tarddu o'r ail ganrif ar bymtheg, yn cynnig cyfleusterau hunan-arlwy, gyda mynediad uniongyrchol o'r maes parcio.

Mae Neuadd Bodysgallen yn rhan o'r Ymddiriedolaeth Genedlaethol ers 2008 drwy rodd, gyda phob elw yn mynd i'r elusen.