Am

Mae Gwesty’r St George’s mewn safle arfordirol ysblennydd ar y Promenâd yn edrych dros Fae godidog Llandudno.

Mae gan y gwesty 82 ystafell wedi eu haddurno’n hardd gyda system awyru, mynediad cyflym iawn i’r we, Setiau Teledu LCD, duvets cotwm Eifftaidd ac mae nifer ohonynt yn cynnig golygfeydd bendigedig ar draws Fae Llandudno.

Ymhlith yr ystafelloedd gwely mae’r ystafelloedd ar y to a gwblhawyd yn 2017. Mae’r ystafelloedd hyn yn manteisio ar eu safle uchel a'r olygfa odidog o'r Gogarth i Drwyn y Fuwch gan eu bod yn cynnwys drysau patio gwydr yn arwain at falconi sy’n cynnig golygfa banoramig o’r môr. Mae’r ystafelloedd hefyd yn cynnwys ychydig o’r dechnoleg ddiweddaraf, ystafelloedd ymolchi gwych gyda chawodydd mynediad gwastad a sinciau iddo fo a hi, a gall gwesteion fwynhau gwasanaeth gofalwr personol, sy’n cynnig ystod o wasanaethau pwrpasol.

Mae'r gwesty’n cynnig amryw o ddewisiadau bwyta i weddu pob blas gan gynnwys Bwyty Teras sydd wedi ennill Rhoséd yr AA, sy’n cynnig dewis o brydau i ddod a dŵr i’ch dannedd gyda chynhwysion o Gonwy a Gogledd Cymru. Mae Lolfa’r Teras yn cynnig ciniawau ysgafn, te prynhawn traddodiadol a’r espresso a’r cappuccino gorau yn yr ardal.

Mae gan Westy’r St George’s saith o ystafelloedd digwyddiadau gan gynnwys ystafell restredig Gradd II Wedgwood, un o’r ystafelloedd digwyddiadau mwyaf yng Ngogledd Cymru ac mae wedi cynnal nifer o ddigwyddiadau mawreddog yn ystod ei hanes o 165 mlynedd gan gynnwys cynadleddau pleidiau gwleidyddol fel Llafur, y Ceidwadwyr a'r Democratiaid Rhyddfrydol, a gwesteion uchel eu clod fel Winston Churchill ymhlith eraill.