Am

Mae’r Empire yn westy mawr steil boutique yn nhref glan môr boblogaidd Llandudno. Mae’n llawn o gyfleusterau - pwll dan do, sawna ac ystafell stêm; ystafelloedd triniaeth sba; campfa gyda chyfarpar cardiofasgwlaidd a chryfder; pwll trochi ac ardal i eistedd y tu allan; 2 fwyty a bar a system aerdymheru ym mhob ystafell wely ac ardal gyhoeddus. Mae Wi-Fi am ddim ar y safle ac yn y maes parcio o’i amgylch hefyd.

Mae’r ystafelloedd gwely wedi’u dodrefnu’n gain gyda hen ddodrefn moethus a gosodion o safon ac maen nhw’n cynnwys cyfleusterau fel Wi-Fi, system aerdymheru, matres Hypnos, teledu Freeview a chwaraewr DVD, cyfleusterau te a choffi, oergell, sêff, sychwr gwallt a gŵn yr un.

Ond y tu ôl i’r adeilad, mae stori gyfan gwbl wahanol am deulu. Dechreuodd stori’r Empire bron i 75 mlynedd yn ôl yn 1947 pan ddaeth Edith a Harold Maddocks o Birmingham i Landudno. Mae’r teulu Maddocks wedi rhedeg y gwesty ers hynny ac erbyn hyn, y drydedd genhedlaeth sydd wrth y llyw ac maent yn gweithio ar ei throsglwyddo i’r bedwaredd. Pan gyrhaeddodd Edith a Harold yn 1946, dim ond 20 ystafell wely a 2 ystafell ymolchi oedd yno. Mae’r gwesty wedi newid dros y degawdau a bellach mae ganddo 64 o ystafelloedd. Fe gymerodd yr ail genhedlaeth, Len ac Elizabeth Maddocks, yr awenau yn 1963 a dechrau ar gyfnod hir o ehangu a buddsoddi sy’n parhau heddiw. Mae’r gwesty bellach yn nwylo’r drydedd genhedlaeth, Elyse (Maddocks gynt) a Michael Waddy, ers 1993.

Er hynny, ni fyddai’r teulu’n ddim heb gefnogaeth eu staff hyfryd ac ymroddgar. Mae nifer ohonynt wedi gweithio yn y gwesty am dros ddeng mlynedd ar hugain. Rydyn ni’n hoffi cyflogi staff sy’n fodlon aros i weithio am flynyddoedd gan eu bod nhw’n rhannu ein hymrwymiad ni i wasanaeth, a hefyd ein synnwyr digrifwch a’n hunaniaeth.