Am

Gwesty bychan ysblennydd ar lan y môr yn Llandudno - cyrchfan arfordirol Fictoraidd. Chwe ystafell wely mawr a moethus gyda golygfeydd godidog dros y môr.

Mae gwelyau maint brenin (un gyda dau wely sengl), ardal lolfa a thân nwy Fictoraidd yn yr ystafelloedd. Yn yr ystafell ymolchi marmor, mae yna faddon haearn bwrw dau-ben a chawod y gellir cerdded i mewn iddi. Mae cyfleusterau modern yn cynnwys Wi-Fi, aerdymheru, teledu Freeview, peiriant DVD, oergell a sêff, a pheiriant te/coffi. Mae’r ystafelloedd wedi’u haddurno’n foethus yn steil yr oes a fu, felly nid mewn steil modern syml. Mae lle parcio i bob ystafell yn y cefn. Nid oes lifft yn Osborne House.

Mae’r caffi ar y llawr gwaelod yr un mor ysblennydd â’r ystafelloedd, os nad yn fwy ysblennydd, gyda siandelïer crisial mawr, llenni felfed a gwaith celf gwreiddiol. Gyda’r nos, caiff 72 o ganhwyllau eu cynnau ar hyd y waliau. Mae’n gweini bwyd steil bistro gydol y dydd yn ogystal â byrbrydau, diodydd a choctels.

Mae’r holl gyfleusterau yng ngwesty’r Empire (150 llath i ffwrdd) ar gael i breswylwyr Osbourne House - pwll nofio dan do gydag ystafell sawna a stêm, campfa ardderchog, pwll trochi ac ardal i eistedd y tu allan, ynghyd â bwytai a bar.