Am

Ar y daith sain hunan-dywysedig hon gallwch ddarganfod yr amgylchedd, hanes, archeoleg ac atyniadau amrywiol sydd i’w gweld ar y Gogarth. Fe glywch gan John Crewdson am ei brofiadau fel hyfforddwr magnelau yma ar Marine Drive yn ystod yr Ail Ryfel Byd. Fe ddysgwch am wladychwyr yr Oes Efydd a oedd yma dros 4,000 o flynyddoedd yn ôl, a pham y gwneir cymaint o ymdrech i warchod y cynefin cyfoethog ac amrywiol hwn.

Bydd yr adroddwr yn eich tywys o amgylch 14 o wahanol bwyntiau ar Marine Drive ac yn cyflwyno arbenigwyr lleol i chi ar eich taith. Lawrlwythwch y ffeiliau MP3. Mae arwyddion y llwybr sain i’w gweld ar Marine Drive i ddangos i chi ble i wrando ar bob pwynt. Gallwch hefyd lawrlwytho taflen y llwybr sain isod i gael map a mwy o wybodaeth.