Am

Mae Gwesty’r Imperial sydd wedi ennill gwobrau, gwesty Pedair Seren mwyaf Llandudno, yn sicrhau ceinder a rhagoriaeth a golygfeydd trawiadol ar draws y bae o'i leoliad canolog ar y Promenâd.   

Gyda’i ffasâd Fictoraidd trawiadol, addurn llawn steil ac enw da am fwyd a gwasanaeth, mae Gwesty'r Imperial yn leoliad perffaith ar gyfer busnes a hamdden ac yn ganolbwynt delfrydol ar gyfer crwydro Gogledd Cymru a Llandudno, un o'r cyrchfannau glan y môr traddodiadol gorau sydd wedi cadw ei gymeriad Fictoraidd a'i naws tra'n parhau i fod yn ddeniadol i ymwelwyr heddiw.   

Mae gan yr Imperial 98 o ystafelloedd gwely en-suite gan gynnwys rhai Safonol, Uwch, tair ystafell i deuluoedd, pedair ystafell gyda lolfeydd a phedair swît i deuluoedd. Mae gan nifer o’r ystafelloedd gwely olygfeydd trawiadol ar draws y bae ac mae gan rai o'r ystafelloedd ar y pumed llawr falconïau sy'n berffaith i dorheulo neu weld y golygfeydd o safbwynt arall! Mae gan yr holl ystafelloedd gwely y cyfleusterau y byddech yn eu disgwyl gan westy o’r radd flaenaf i sicrhau eich bod yn gwbl gyfforddus yn ystod eich ymweliad. Cynigir cyfleusterau i’r anabl hefyd.

O ran bwyta, gall y gwesteion ddewis rhwng Bwyty Chantrey sydd wedi ennill dwy roséd AA i fwynhau pryd o’r radd flaenaf neu'r Terrace i gael awyrgylch sy'n fwy anffurfiol. Mae’r ddau yn agored i rai nad ydynt yn aros yn y gwesty ond argymhellir y dylid archebu bwrdd.

Mae Bwyty Chantrey yn cynnig hyblygrwydd o ddewis un cwrs neu ddau i brofiad llawn o Fwydlen y Bwyty sy’n llawn prydau sy’n tynnu dŵr i’r dannedd. Yn ogystal â bwydlen Chantrey, mae pryd "Arbennig" ar gael yn ddyddiol ynghyd â chinio dydd Sul traddodiadol a blasus tra bo'r Terrace, sy'n cynnig golygfeydd trawiadol ar draws y bae, yn darparu cinio, lluniaeth ysgafn drwy'r dydd a phryd yn y gyda'r nos.  

Mae cyfleusterau ar gael ar gyfer ciniawa preifat, o achlysuron teuluol bychan i ddigwyddiadau corfforaethol mawr. Gyda dewis o saith ystafell gynadledda a gwledda, gall yr Imperial groesawu hyd at 150 o westeion neu briodasau gyda hyd at 120 o westeion ac mae tair ystafell wledda wedi'u trwyddedu ar gyfer Seremonïau Sifil.

Yr Imperial hefyd yw’r unig westy mawr yn yr ardal i gynnig canolfan iechyd a ffitrwydd, gydag aelodaeth am ddim i westeion yn ystod eu hymweliad. Gall y gwesteion fwynhau mynd i nofio'n hamddenol neu ymarfer corff yn un o'r ddwy gampfa sy'n cynnwys ystod o offer hyfforddi cardiofasgwlaidd a chodi pwysau. Mae bath sba, sawna ac ystafell stêm ynghyd â salon iechyd a harddwch.