Am

Mae Edwards o Gonwy yn Gigydd a gwneuthurwr Selsig a Phasteiod sydd wedi ennill gwobrau Cymreig, Prydeinig ac Ewropeaidd ac wedi’i leoli yn nhref Treftadaeth y Byd hanesyddol a hardd, Conwy yng Ngogledd Cymru. 

Ar ôl dros 35 mlynedd o fasnachu, mae ein siop wedi derbyn teitl “Siop Gigydd Gorau Cymru” deirgwaith ac fe dderbyniwyd teitl Cigydd Gorau Prydain yn 2014. Hyd yma, mae Edwards o Gonwy wedi ennill dros 200 o wobrau cynnyrch! 

Dros yr holl flynyddoedd rydym wedi cadw at ein gwerthoedd craidd o gynnyrch Cymreig lleol o ansawdd, balchder yn ein treftadaeth a chefnogi ein cymuned leol, gan ddefnyddio cymaint o ddulliau a ryseitiau traddodiadol â phosibl. Mae ein cwsmeriaid yn gyfeillion i ni a’n staff yn deulu.