Am

Wedi bod yn dod â hwyl a chwerthin i wyliau’r haf ers dros 50 mlynedd, mae Knightly’s Leisure yn Nhowyn yn gartref i’ch hoff deithiau yn y ffair ac arcedau mewn lleoliad glan môr bendigedig. 

Mae Knightly’s Leisure yn ddiwrnod allan perffaith i’r teulu. Dodgems, waltzers, gwibgerti, mae yna ddigon o adloniant am oriau. Yn ogystal, mae yna arcêd llawn stoc gyda’r gemau diweddaraf a hen ffefrynnau. Ydych chi’n chwilio am rywle i gael pryd o fwyd min nos? Gallwch gael mynediad i far a bwyty ar y safle, gorffen eich diwrnod gyda phryd o fwyd blasus tra’n mwynhau adloniant gan rai o berfformiadau cabaret a chomedi gorau’r DU.

Mae mynediad yn rhad ac am ddim. Mae’n bosibl y bydd y ffair yn gorfod cau mewn tywydd gwael. Anogir ymwelwyr i wirio tudalen Facebook Knightly’s Leisure cyn teithio. 

Ydych chi’n cynnal parti pen-blwydd neu ddiwrnod hwyliog yn y gymuned? Gallwch logi reidiau yn Knightly’s Leisure. Staff hyfforddedig, wedi yswirio a chofrestru gyda ADIPS; dod â’r ffair i’ch digwyddiad!