Haf yng Nghonwy

Chwilio am wyliau haf yng Ngogledd Cymru?

Edrychwch dim pellach!

Ymunwch â ni yn sir hardd Conwy wrth i’r dyddiau ymestyn ac wrth iddi gynhesu. Cewch weld ein tirweddau a’n gerddi’n bywiocáu gyda lliwiau’r gwanwyn a bydd dathliadau hwyliog yn codi ysbryd pawb!

O ddiwrnodau allan llawn hwyl i deuluoedd, i wyliau clyd yng nghefn gwlad a gwyliau sba moethus, Conwy yw’r lle perffaith i ymlacio, dadflino a chael seibiant ar wyliau byr yn y DU y gwanwyn hwn.

Mae 2023/2024 wedi cael ei dynodi yn flwyddyn ‘Llwybrau’, felly dyma chwe llwybr y gallwch eu mwynhau y gwanwyn yma.

Mae’n wych i fod yn fyw

Dyma sut y byddwch yn teimlo ar frig Y Gogarth, sef y pentir sy’n ymgodi fel anghenfil y môr uwch tref Llandudno.

Mae tri llwybr i’r copa wedi eu harwyddo i roi digon o gyfle i chi i fwynhau’r golygfeydd godidog. Gellir gweld blodau gwyllt y gwanwyn yn sbecian drwy laswelltir calchfaen, adar y môr yn ymgasglu ar y clogwyni a dros 20 o rywogaethau o löynnod byw.

Ar eich ffordd i lawr gallwch ddilyn Llwybr Gerddi Haulfre a galw heibio Ystafelloedd Te Haulfre lle ceir golygfeydd panoramig ar draws tref Llandudno a thu hwnt! Cewch yr holl wybodaeth ar Daith y Gogarth yma

Bodnant yn ei Blodau

Mae’n rhy dda i’w golli. Mae Gerddi Bodnant yn lle heb ei ail i grwydro, a dychwelyd fis ar ôl mis i fwynhau pob sioe newydd o liw, o ddolydd llawn cennin pedr a charpedi o glychau’r gog i goed ceirios llawn blodau ysgafn. Mae Bwa Tresi Aur enwog yr ardd yn blodeuo o ddiwedd Mai. Y twnnel 180 troedfedd / 55m hwn o flodau melyn trwm yw’r mwyaf ysbrydoledig o’r cyfan.

Y ffordd i deithio

Ewch i weld ein harfordiroedd ar ddwy olwyn drwy feicio rhannau (neu’r cwbl, os ydych chi’n teimlo’n egnïol) o Lwybr Beicio Conwy sy'n 30 milltir o hyd gydag arwyddion i’ch arwain ar hyd yr arfordir o Lanfairfechan i Fae Cinmel.

Cerdded y muriau

Adnewyddwch eich ysbryd drwy gerdded ar hyd muriau canoloesol Conwy. Ynghyd â Chastell carreg tywyll, hollbresennol Conwy, mae’r gylchdaith hon sy’n ¾ milltir o hyd, y fwyaf cyflawn yn Ewrop, yn gwarchod drysfa o lonydd a strydoedd cefn cul.

I ffwrdd â ni

Ar ddiwrnod braf o wanwyn nid oes unman gwell i fynd na Mynydd Hiraethog, y rhostir sy’n ymlwybro draw i’r pellter o dan awyr di-ben-draw. Ewch i Ganolfan Ymwelwyr Llyn Brenig yn gyntaf i weld lle rydych chi ac i ddysgu am deithiau cerdded a theithiau beicio lleol.

Croesawch fyd natur

Golygfeydd panoramig ysblennydd i’w mwynhau ar daith gerdded Ucheldir Pensychnant a gallwch archwilio Canolfan Gadwraeth Natur Pensychnant . Yn y tiroedd 150-erw fe allwch brofi heddwch Pensychnant wrth i chi ddysgu am y bywyd gwyllt a cherdded o amgylch adfeilion canoloesol a rhostir. Mae’r ganolfan hefyd yn cynnal darlithoedd ar fywyd gwyllt ac arddangosfeydd celf.

Nifer yr eitemau:

Nifer yr eitemau: 134

, wrthi'n dangos 1 i 20.

1
2
3
4
5
6
7
nesaf

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Penmaenmawr i Gonwy - Taith Feicio ar y Ffordd

Cyfeiriad

Penmaenmawr, Conwy, LL34 6AA

allmail@cyclingnorthwales.co.uk

Penmaenmawr

Taith o tua 10 milltir (16km) gyda golygfeydd hardd sy’n mynd o Benmaenmawr i Gonwy ac yn ôl.
Oriel y Bae

Cyfeiriad

BayView Shopping Centre, Sea View Road, Colwyn Bay, Conwy, LL29 8DG

Ffôn
07909 893254

baygalleryevents@gmail.com

Colwyn Bay

Oriel gelf a chrefft gymunedol yw The Bay Gallery, sy’n cael ei rhedeg fel elusen fach gan wirfoddolwyr lleol, gan gynnig cyfle i arlunwyr lleol arddangos a gwerthu eu gwaith. Mae’n cynnal dosbarthiadau a gweithdai celf wythnosol hefyd.
Llwybr Beicio Cenedlaethol 5 - Sir Conwy

Cyfeiriad

Holyhead - Chester, Conwy

Holyhead - Chester

Mae rhan Sir Conwy o Lwybr Beicio Cenedlaethol 5 yn mynd â chi ar hyd yr arfordir.
Mynyddoedd a Llynnoedd o amgylch Betws-y-Coed - Taith Feicio ar y Ffordd

Cyfeiriad

Betws-y-Coed, Conwy, LL24 0AE

allmail@cyclingnorthwales.co.uk

Betws-y-Coed

Taith fer ond egnïol o 13 milltir (21 km) gyda golygfeydd godidog yn cychwyn o Fetws-y-Coed ac yn mynd trwy bentrefi Llanrhychwyn a Threfriw ac ymlaen i Lanrwst gan ddychwelyd i Fetws-y-Coed.
Sgôr Teithwyr TripAdvisor
274 adolygiadau
Taith City Sightseeing Llandudno a Conwy

Cyfeiriad

Alpine Travel, Llandudno, Conwy, LL30 2LP

Ffôn
01492 879133

sales@alpine-travel.co.uk

Llandudno

Mae trefi arfordirol braf Llandudno a Chonwy wedi’u lleoli rhwng dau draeth hyfryd ac mae llawer o gymeriad oes Fictoria’n dal i berthyn iddynt. Yno, fe gewch chi fwynhau golygfeydd arbennig o’r Gogarth, y Pier, Castell Conwy a’r wlad o’ch cwmpas.
Pysgodfa Brithyll Crafnant

Cyfeiriad

Lakeside Cafe, Llyn Crafnant, Trefriw, Conwy, LL27 0JZ

Ffôn
01492 640818

info@crafnant.free-online.co.uk

Trefriw

Mae Llyn Crafnant yn 63 erw ac wedi’i stocio â brithyllod seithliw, gan ychwanegu at y brithyllod gwyllt.
Taith Ucheldir Huw Tom - Penmaenmawr i Rowen

Cyfeiriad

New York Cottages, Bangor Road, Penmaenmawr, Conwy, LL34 6LE

Penmaenmawr

Taith gerdded Huw Tom, 6 milltir (9.6 cilomedr) o hyd gyda golygfeydd godidog o Benmaenmawr ar yr arfordir drwy’r mynyddoedd i Rowen, pentref bychan yn Nyffryn Conwy.
Pysgota yn Llyn Aled

Cyfeiriad

Llyn Aled, Pentrefoelas, Conwy

Ffôn
01490 389222

Pentrefoelas

Mae Llyn Aled yng nghanol rhostiroedd uchel Hiraethog. Mae’r safle anial, ond hyfryd hwn sydd dros 250 troedfedd uwch lefel y môr, yn gallu bod yn wyntog, ond dyma le da iawn i bysgota cwrs am ddraenogiaid, penhwyaid bras a chochiaid.
Canolfan Cadwraeth a Gwarchod Natur Pensychnant

Cyfeiriad

Sychnant Pass, Conwy, Conwy, LL32 8BJ

Ffôn
01492 592595

jpt.pensychnant@btinternet.com

Conwy

Ar 150 erw o dir, gallwch fwynhau heddwch Pensychnant. Adeiladwyd o fewn Bwlch Sychnant gyda golygfeydd o Fynyddoedd y Carneddau, gallwch gerdded adfeilion canoloesol, rhostir a mwynhau cân y frân goesgoch ac ehedyddion.
Cyfadeilad Copa'r Gogarth

Cyfeiriad

Great Orme Country Park, Llandudno, Conwy, LL30 2XF

Ffôn
01492 860963

enquiries@thesummitcomplex.co.uk

Llandudno

O’r lleoliad trawiadol hwn, mae’r Summit Complex yn cynnig golygfeydd aruthrol i chi o Landudno, ardaloedd o Barc Cenedlaethol Eryri, Ynys Môn a Môr Iwerddon.
Gwarchodfa Natur Leol Bryn Euryn

Cyfeiriad

Bryn Euryn, Rhos-on-Sea, Conwy, LL28 4AB

cg.cs@conwy.gov.uk

Rhos-on-Sea

Mae Bryn Euryn yn fryn calchfaen amlwg uwchben Llandrillo-yn-Rhos, efo golygfeydd da o'r copa. Arno mae cymysgfa dda o laswelltir a choetir, efo rhan ohono yn Safle o Ddiddordeb Gwyddonol Arbennig.
Taith Uwchdir Pensychnant

Cyfeiriad

Sychnant Pass Road, Conwy, Conwy, LL32 8BJ

Ffôn
01492 575290

cg.cs@conwy.gov.uk

Conwy

Cylchdaith yn arwain o ben Pas Sychnant gyda golygfeydd arbennig o Ddyffryn Conwy, mynyddoedd y Carneddau, pentir y Gogarth a’r arfordir. Hyd y daith yw tua 4.5 milltir (7.2km).
Canolfan Hamdden Colwyn

Cyfeiriad

Parc Eirias, Colwyn Bay, Conwy, LL29 7SP

Ffôn
0300 4569525

hamdden.leisure@conwy.gov.uk

Colwyn Bay

Dyma brif atyniad chwaraeon Cyngor Bwrdeistref Sirol Conwy, wedi ei leoli mewn parc 50 erw prydferth.
Twyni Cinmel

Cyfeiriad

St Asaph Avenue North, Kinmel Bay, Conwy, LL18 5EQ

cg.cs@conwy.gov.uk

Kinmel Bay

Mae Twyni Cinmel yn rhoi cyfle i chi gerdded neu feicio drwy system dwyni tywod weithredol gan ddilyn y llwybrau.
Teithiau Cerdded Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Pum taith gerdded, o bellter amrywiol, o amgylch pentref Llanfairfechan ar arfordir y gogledd. Mae pob taith yn dechrau o’r maes parcio ar Ffordd yr Orsaf a gallwch brynu lluniaeth o’r siopau a’r tafarndai lleol.
Llwybrau Beicio Mynydd Penmachno

Cyfeiriad

Penmachno, Conwy, LL24 0YP

info@penmachnobiketrails.org.uk

Penmachno

Llwybrau Penmachno yw un o ganolfannau beicio mynydd gorau Gogledd Cymru. Mae yma ddau lwybr - Dolen Machno (19cilomedr) a Dolen Eryri (11 cilomedr) - gallwch eu beicio’n unigol neu fel clamp o daith hir 30 cilomedr.
Traeth Bae Penrhyn

Cyfeiriad

Glan-y-Mor Road, Penrhyn Bay, Conwy, LL30 3PR

Ffôn
01492 596253

harbour@conwy.gov.uk

Penrhyn Bay

Mae traeth Bae Penrhyn ar Lwybr Arfordir Cymru ac mae yna lwybrau arfordirol hefyd i Fae Colwyn neu Fae’r Gogarth gerllaw.
Y Tŷ Lleiaf ym Mhrydain

Cyfeiriad

Lower Gate Street, Conwy, Conwy, LL32 8BE

Ffôn
01492 573965

info@thesmallesthouse.co.uk

Conwy

Gellir dod o hyd i’r Tŷ Lleiaf ym Mhrydain yn swatio o blith teras o dai ar lan y cei yng Nghonwy. Ni allwch golli’r tŷ lleiaf a byddech yn wallgof i beidio â bwrw’ch pen i mewn i gael golwg ar eich ffordd heibio.
Taith Golygfeydd dros Ddyffryn Conwy

Cyfeiriad

Hafna Mine, Nant Bwlch Heaern Road, Trefriw, Conwy, LL27 0JB

Trefriw

Mae'r daith hawdd hon yn cychwyn o’r maes parcio o flaen adfeilion Cloddfa Hafna, ac yn dilyn ffordd y goedwig i fyny'r bryn drwy gymysgedd o goed pefrwydd, pinwydd a choetiroedd llydanddail gyda golygfeydd gwych dros Ddyffryn Conwy a’r Gogarth.
Llwybr Beicio Bod Petryal

Cyfeiriad

Bod Petryal Picnic Site, Clocaenog Forest, Cerrigydrudion, Conwy

Cerrigydrudion

Llwybr 3.5 cilomedr o hyd (dringo 60m), sy’n ymdroelli drwy Goedwig Clocaenog ac yn berffaith ar gyfer teuluoedd a dechreuwyr.