Uchafbwyntiau'r Hydref yng Nghonwy

Saith rheswm pam fod yr hydref yn adeg gwych i ymweld â Sir Conwy

Gyda’r dail yn troi’n euraidd a hwyl yr ŵyl ar ddod, mae’r hydref yn un o’n hoff dymhorau. Dyma ambell reswm pam.

1. Mae tymereddau is yr hydref yn berffaith ar gyfer beicio

Mae beicio’n ffordd wych o grwydro. O’r arfordir i draws gwlad, mae gan Ogledd Cymru ddigonedd o lwybrau cyffrous. Un sydd wedi cyffroi’r beicwyr yw Traws Eryri, llwybr newydd ar draws ardal Eryri. Dewch â’ch beic mynydd ‘hardtail’ eich hun, neu mae modd llogi un yn lleol, ac ewch ar antur.

2. Ar deithiau cerdded arfordirol a gwledig, mae morloi, ffyngau ac adar i’w gweld

Mae’r gwanwyn yn dod â thyfiant newydd, yr haf yn dod â’r blodau, ond mae’r hydref yn dod â rhywbeth yr un mor hyfryd i Sir Conwy: ffrwythau a ffyngau. Wrth i chi ymlwybro drwy’r coed a chefn gwlad agored, mae modd canfod aeron yn y llwyni a madarch yn cuddio yn y dail. Mae’r adar yn canu ar ôl cyfnod tawel ar ddiwedd yr haf, ac yng Ngwarchodfa Natur yr RSPB Conwy, mae’r ymfudwyr tymhorol fel y chwiwell a’r corhwyaid yn dechrau cyrraedd. Cerddwch ar hyd rhan o Lwybr Arfordir Cymru yng Nghonwy, ac efallai y cewch weld morloi ifanc. Mae morloi llwyd yn bridio yng Ngogledd Cymru bob blwyddyn.

3. Mae sioeau gorau’r tymor yn dod i Landudno a Bae Colwyn

Mae’r Hydref yn golygu croesawu Opera Cenedlaethol Cymru yn ôl i Venue Cymru yn Llandudno. Yn 2023, maent yn cyflwyno tri chynhyrchiad gwych: sioe Ainadamar sydd wedi’i hysbrydoli gan y flamenco; Play Opera Live, sioe llawn hwyl i blant; a’u perfformiad anhygoel o’r La Traviata gan Verdi. Mae’r hydref yn gyfnod prysur yn Theatr Colwyn ym Mae Colwyn hefyd, gydag ystod eang o adloniant, gan gynnwys ffilmiau poblogaidd a sioeau byw i deuluoedd.

4. Mae atyniadau arswydus Conwy’n dod yn fyw yn ystod cyfnod Calan Gaeaf

Wrth i Galan Gaeaf agosáu, mae ysbrydion yn dechrau ymddangos yn adeiladau hanesyddol Conwy. Mae’r cyfan yn rhan o’r hwyl. I ymuno yn yr hwyl, ewch i roi cynnig ar Ystafell Ddianc y Mynaich Gwallgof yng Nghastell Conwy, dilynwch y Llwybr Calan Gaeaf Arswydus ym Mhlas Mawr, archwilio castell arswydus ar daith ysbrydion Escape Alive neu ewch ar Helfa Ysbrydion yng Nghastell Gwrych. I brofi eich dewrder, beth am geisio osgoi’r clowniau arswydus ar y reidiau yn Zip World Ffear Fforest ym Metws-y-coed - os ydych chi’n ddigon dewr.

5. Os yw’n oer, mae modd cynhesu drwy fwynhau bwyd a diod blasus

Yn barod i ymlacio ar ôl bod am dro? Mae tafarn gynnes gyda thân coed yn anodd ei churo. Mae nifer o’r bwytai a thafarndai gorau yng Nghonwy yn cynnig helgig, madarch a llysiau’r hydref adeg yma’r flwyddyn. Yn Llandudno, mae modd croesawu’r tymor gyda llwncdestun i’ch cynhesu yn Nistyllfa Penderyn. Yn enwog am wisgi brag sengl Cymreig, mae Penderyn yn cynnig teithiau byr a dosbarthiadau meistr manwl, yn canolbwyntio ar grefft a gwyddoniaeth cynhyrchu.

6. Mae modd gwylio tân gwyllt ar lan y môr

Tra bo sawl rhan o’r DU yn dathlu Noson Tân Gwyllt ar 5 Tachwedd, mae pethau’n wahanol yn Llandudno. Cynhelir Arddangosfa Tân Gwyllt Llandudno ar Draeth y Gogledd, sy’n golygu bod y dyddiad yn cael ei bennu gan y llanw. Yn 2023, yn dibynnu ar y tywydd, cynhelir yr arddangosfa ddydd Sul 29 Hydref. Cewch eich synnu gan yr holl glecian a lliw.

7. Er bod yr haf ar ben, mae sawl lle gwych i aros ynddynt

Mae Sir Conwy wir yn gyrchfan gydol y flwyddyn, gyda digonedd o westai, tai llety, Gwely a Brecwast ac eiddo hunanarlwyo ar agor gydol y flwyddyn. Os ydych chi am fwynhau gwyliau diwylliannol gydag amgueddfeydd, orielau a siopau, gallai gwesty mewn tŷ tref fod yn berffaith i chi. Ond os yw’n well gennych fod yng nghefn gwlad, mae modd mwynhau bythynnod gwledig cynnes Conwy, lle y cewch dynnu eich esgidiau a theimlo’n gartrefol.

Nifer yr eitemau:

Nifer yr eitemau: 224

, wrthi'n dangos 61 i 80.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Mynyddoedd a Llynnoedd o amgylch Betws-y-Coed - Taith Feicio ar y Ffordd

Cyfeiriad

Betws-y-Coed, Conwy, LL24 0AE

allmail@cyclingnorthwales.co.uk

Betws-y-Coed

Taith fer ond egnïol o 13 milltir (21 km) gyda golygfeydd godidog yn cychwyn o Fetws-y-Coed ac yn mynd trwy bentrefi Llanrhychwyn a Threfriw ac ymlaen i Lanrwst gan ddychwelyd i Fetws-y-Coed.
Traws Eryri

Cyfeiriad

Conwy

Traws Eryri: Antur beicio mynydd 125 milltir newydd Conwy
Gan groesi calon Eryri arw, olygfaol, Traws Eryri yw llwybr beicio pellter hir mwyaf cyffrous yr ardal. Anghofiwch y ffordd, a dechreuwch ar yr antur.
Car Cebl Llandudno

Cyfeiriad

Happy Valley, Llandudno, Conwy, LL30 2LP

Llandudno

Mwynhewch daith ar Gar Cebl Llandudno yn ystod eich ymweliad â'r gyrchfan hyfryd. Mae’r profiad unigryw hwn a agorwyd ar 30 Mehefin 1969 fel y system car cebl teithwyr hiraf ym Mhrydain.
Clwb Golff Llanfairfechan

Cyfeiriad

Llannerch Road, Llanfairfechan, Conwy, LL33 0EB

Ffôn
01248 680144

contactus@llanfairfechangolfclub.co.uk

Llanfairfechan

Mae cwrs golff parcdir Llanfairfechan yn cynnig cefnlen fynyddig fendigedig, golygfeydd gwych dros y Fenai i Ynys Môn, a gallwch chwarae dwy rownd o naw twll o wahanol diau gyda rhai lawntiau ychwanegol.
Gwyliau Beicio Gogledd Cymru

Cyfeiriad

Conwy

Ffôn
07919151759

northwalescyclingholidays@yahoo.com

Conwy

Ymunwch â ni yn Gwyliau Beicio Gogledd Cymru am ddau ddiwrnod o feicio ffordd di-dor.
Rydym wedi cynllunio eich taith i archwilio tirweddau syfrdanol a chefn gwlad hardd.
Canolfan Hamdden Colwyn

Cyfeiriad

Parc Eirias, Colwyn Bay, Conwy, LL29 7SP

Ffôn
0300 4569525

hamdden.leisure@conwy.gov.uk

Colwyn Bay

Dyma brif atyniad chwaraeon Cyngor Bwrdeistref Sirol Conwy, wedi ei leoli mewn parc 50 erw prydferth.
Rhaeadr Conwy

Cyfeiriad

Pentrefoelas Road, Betws-y-Coed, Conwy, LL24 0PN

Ffôn
01690 710336

info@conwyfalls.com

Betws-y-Coed

Teithiau trwy 9.5 erw o goedwig gynhenid at raeadr drawiadol Conwy. Mynediad ar hyd tir Conwy Falls Café, a gynlluniwyd yn y 1930au gan y pensaer adnabyddus lleol Clough Williams-Ellis. Gweinir byrbrydau a phrydau blasus.
Cabannau Traeth Penmaenmawr

Cyfeiriad

The Beach Café, The Promenade, Penmaenmawr, Conwy, LL34 6ED

Ffôn
01492 623885

nicola7nicky@gmail.com

Penmaenmawr

Wedi’u lleoli mewn ardal drawiadol ar arfordir Gogledd Cymru nepell o’r A55. Gyda golygfeydd gwych o Ynys Môn ac Ynys Seiriol, mae traeth Penmaenmawr yn lleoliad poblogaidd iawn gydag ymwelwyr a thrigolion lleol.
Llwybr Hiraethlyn, Eglwysbach

Cyfeiriad

Eglwysbach, Conwy, LL28 5UD

Eglwysbach

Taith gron hawdd, 3.5 milltir o hyd o amgylch pentref Eglwysbach ar draws caeau, lonydd a ffyrdd eilaidd, gyda golygfeydd da o’r dyffryn a mynyddoedd y Carneddau.
Llwybr Arglwyddes Fair, Coedwig Gwydir

Cyfeiriad

Gwydyr Uchaf, Llanrwst, Conwy, LL26 0PN

Llanrwst

Mae Llwybr yr Arglwyddes Fair yn llwybr byr drwy goetir cymysg gyda golygfeydd hyfryd dros dref Llanrwst ac ar hyd Dyffryn Conwy i gyfeiriad y môr.
Llwybrau Beicio Mynydd Penmachno

Cyfeiriad

Penmachno, Conwy, LL24 0YP

info@penmachnobiketrails.org.uk

Penmachno

Llwybrau Penmachno yw un o ganolfannau beicio mynydd gorau Gogledd Cymru. Mae yma ddau lwybr - Dolen Machno (19cilomedr) a Dolen Eryri (11 cilomedr) - gallwch eu beicio’n unigol neu fel clamp o daith hir 30 cilomedr.
Canolfan Hamdden John Bright

Cyfeiriad

Ysgol John Bright, Maesdu Road, Llandudno, Conwy, LL30 1LF

Ffôn
0300 4569525

hamdden.leisure@conwy.gov.uk

Llandudno

Mae Canolfan Hamdden John Bright wedi'i lleoli wrth ymyl yr ysgol uwchradd yn Llandudno.
Taith Ucheldir Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Taith gron 4.5 milltir (7 cilomedr) o hyd o dref Llanfairfechan at odre mynyddoedd y Carneddau, drwy dirlun sy’n llawn nodweddion archaeolegol yn dyddio o Oes y Cerrig.
Canolfan Nofio Llandudno

Cyfeiriad

Mostyn Broadway, Llandudno, Conwy, LL30 1YR

Ffôn
0300 4569525

hamdden.leisure@conwy.gov.uk

Llandudno

Mae Canolfan Nofio Llandudno yn cynnig pwll cystadlu 25 metr, 8 lôn yn ogystal â phwll ymarfer 20 metr, 4 lôn. Mae'r ddau bwll yn cynnwys llawr symudol, sy'n caniatáu mwy o hyblygrwydd gyda sut y defnyddir y pwll.
Llwybr Llynnoedd y Goedwig

Cyfeiriad

Llyn y Sarnau, Betws-y-Coed, Conwy, LL24 0DH

Betws-y-Coed

Mae’r llwybr hwn drwy Goedwig Gwydyr yn datgelu golygfeydd godidog o fynyddoedd y Glyderau a’r Carneddau.
Llwybr Beicio Anodd ar y Top

Cyfeiriad

Bod Petryal Picnic Site, Corwen, Conwy, LL21 9PR

Corwen

Dyma lwybr sy’n cyfateb i’w enw, mae’n daith anodd 57 cilomedr o hyd sy’n cynnwys bron i 1500m o ddringo gan herio’r beicwyr mwyaf heini (graddfa coch). Mae’r golygfeydd a’r ddisgynfa hir a chyffrous ar drac sengl yn wirioneddol werth chweil.
Capel Seion

Cyfeiriad

Rowen, Conwy, LL32 8YT

Ffôn
07842 980415

Rowen

Mae Capel Seion yn enghraifft wych o gapel traddodiadol Cymreig a adeiladwyd yn ystod oes aur adeiladu capeli yn y 19eg Ganrif (1819).
Capel Gwydir Uchaf

Cyfeiriad

Tyn y Coed Gwydyr, Llanrwst, Conwy, LL26 0PN

Ffôn
01492 641687

info@gwydircastle.co.uk

Llanrwst

Dechreuwyd gwaith adeiladu’r capel ym 1673, ac mae tu allan carreg syml y capel yn rhoi camargraff o’r tu mewn. Lle moethus ydyw sy’n cyfuno steiliau Gothig a Dadeni, gyda phulpud wedi’i addurno â ffigurau cerfiedig.
Pysgodfa Brithyll Crafnant

Cyfeiriad

Lakeside Cafe, Llyn Crafnant, Trefriw, Conwy, LL27 0JZ

Ffôn
01492 640818

info@crafnant.free-online.co.uk

Trefriw

Mae Llyn Crafnant yn 63 erw ac wedi’i stocio â brithyllod seithliw, gan ychwanegu at y brithyllod gwyllt.
Clwb Golff Penmaenmawr

Cyfeiriad

Conwy Old Road, Penmaenmawr, Conwy, LL34 6RD

Ffôn
01492 623330

clubhouse@pengolf.co.uk

Penmaenmawr

Fe gewch hyd i Glwb Golff Penmaenmawr ar ffin Parc Cenedlaethol Eryri yn swatio wrth droed Bwlch Sychnant mewn lleoliad godidog rhwng y mynyddoedd a’r môr.