Uchafbwyntiau'r Hydref yng Nghonwy

Saith rheswm pam fod yr hydref yn adeg gwych i ymweld â Sir Conwy

Gyda’r dail yn troi’n euraidd a hwyl yr ŵyl ar ddod, mae’r hydref yn un o’n hoff dymhorau. Dyma ambell reswm pam.

1. Mae tymereddau is yr hydref yn berffaith ar gyfer beicio

Mae beicio’n ffordd wych o grwydro. O’r arfordir i draws gwlad, mae gan Ogledd Cymru ddigonedd o lwybrau cyffrous. Un sydd wedi cyffroi’r beicwyr yw Traws Eryri, llwybr newydd ar draws ardal Eryri. Dewch â’ch beic mynydd ‘hardtail’ eich hun, neu mae modd llogi un yn lleol, ac ewch ar antur.

2. Ar deithiau cerdded arfordirol a gwledig, mae morloi, ffyngau ac adar i’w gweld

Mae’r gwanwyn yn dod â thyfiant newydd, yr haf yn dod â’r blodau, ond mae’r hydref yn dod â rhywbeth yr un mor hyfryd i Sir Conwy: ffrwythau a ffyngau. Wrth i chi ymlwybro drwy’r coed a chefn gwlad agored, mae modd canfod aeron yn y llwyni a madarch yn cuddio yn y dail. Mae’r adar yn canu ar ôl cyfnod tawel ar ddiwedd yr haf, ac yng Ngwarchodfa Natur yr RSPB Conwy, mae’r ymfudwyr tymhorol fel y chwiwell a’r corhwyaid yn dechrau cyrraedd. Cerddwch ar hyd rhan o Lwybr Arfordir Cymru yng Nghonwy, ac efallai y cewch weld morloi ifanc. Mae morloi llwyd yn bridio yng Ngogledd Cymru bob blwyddyn.

3. Mae sioeau gorau’r tymor yn dod i Landudno a Bae Colwyn

Mae’r Hydref yn golygu croesawu Opera Cenedlaethol Cymru yn ôl i Venue Cymru yn Llandudno. Yn 2023, maent yn cyflwyno tri chynhyrchiad gwych: sioe Ainadamar sydd wedi’i hysbrydoli gan y flamenco; Play Opera Live, sioe llawn hwyl i blant; a’u perfformiad anhygoel o’r La Traviata gan Verdi. Mae’r hydref yn gyfnod prysur yn Theatr Colwyn ym Mae Colwyn hefyd, gydag ystod eang o adloniant, gan gynnwys ffilmiau poblogaidd a sioeau byw i deuluoedd.

4. Mae atyniadau arswydus Conwy’n dod yn fyw yn ystod cyfnod Calan Gaeaf

Wrth i Galan Gaeaf agosáu, mae ysbrydion yn dechrau ymddangos yn adeiladau hanesyddol Conwy. Mae’r cyfan yn rhan o’r hwyl. I ymuno yn yr hwyl, ewch i roi cynnig ar Ystafell Ddianc y Mynaich Gwallgof yng Nghastell Conwy, dilynwch y Llwybr Calan Gaeaf Arswydus ym Mhlas Mawr, archwilio castell arswydus ar daith ysbrydion Escape Alive neu ewch ar Helfa Ysbrydion yng Nghastell Gwrych. I brofi eich dewrder, beth am geisio osgoi’r clowniau arswydus ar y reidiau yn Zip World Ffear Fforest ym Metws-y-coed - os ydych chi’n ddigon dewr.

5. Os yw’n oer, mae modd cynhesu drwy fwynhau bwyd a diod blasus

Yn barod i ymlacio ar ôl bod am dro? Mae tafarn gynnes gyda thân coed yn anodd ei churo. Mae nifer o’r bwytai a thafarndai gorau yng Nghonwy yn cynnig helgig, madarch a llysiau’r hydref adeg yma’r flwyddyn. Yn Llandudno, mae modd croesawu’r tymor gyda llwncdestun i’ch cynhesu yn Nistyllfa Penderyn. Yn enwog am wisgi brag sengl Cymreig, mae Penderyn yn cynnig teithiau byr a dosbarthiadau meistr manwl, yn canolbwyntio ar grefft a gwyddoniaeth cynhyrchu.

6. Mae modd gwylio tân gwyllt ar lan y môr

Tra bo sawl rhan o’r DU yn dathlu Noson Tân Gwyllt ar 5 Tachwedd, mae pethau’n wahanol yn Llandudno. Cynhelir Arddangosfa Tân Gwyllt Llandudno ar Draeth y Gogledd, sy’n golygu bod y dyddiad yn cael ei bennu gan y llanw. Yn 2023, yn dibynnu ar y tywydd, cynhelir yr arddangosfa ddydd Sul 29 Hydref. Cewch eich synnu gan yr holl glecian a lliw.

7. Er bod yr haf ar ben, mae sawl lle gwych i aros ynddynt

Mae Sir Conwy wir yn gyrchfan gydol y flwyddyn, gyda digonedd o westai, tai llety, Gwely a Brecwast ac eiddo hunanarlwyo ar agor gydol y flwyddyn. Os ydych chi am fwynhau gwyliau diwylliannol gydag amgueddfeydd, orielau a siopau, gallai gwesty mewn tŷ tref fod yn berffaith i chi. Ond os yw’n well gennych fod yng nghefn gwlad, mae modd mwynhau bythynnod gwledig cynnes Conwy, lle y cewch dynnu eich esgidiau a theimlo’n gartrefol.

Nifer yr eitemau:

Nifer yr eitemau: 225

, wrthi'n dangos 21 i 40.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Pysgodfa Brithyll Crafnant

Cyfeiriad

Lakeside Cafe, Llyn Crafnant, Trefriw, Conwy, LL27 0JZ

Ffôn
01492 640818

info@crafnant.free-online.co.uk

Trefriw

Mae Llyn Crafnant yn 63 erw ac wedi’i stocio â brithyllod seithliw, gan ychwanegu at y brithyllod gwyllt.
Llwybr Beicio Bod Petryal

Cyfeiriad

Bod Petryal Picnic Site, Clocaenog Forest, Cerrigydrudion, Conwy

Cerrigydrudion

Llwybr 3.5 cilomedr o hyd (dringo 60m), sy’n ymdroelli drwy Goedwig Clocaenog ac yn berffaith ar gyfer teuluoedd a dechreuwyr.
Canolfan Ymwelwyr Parc Gwledig y Gogarth

Cyfeiriad

Great Orme, Llandudno, Conwy, LL30 2XF

Ffôn
01492 874151

cg.cs@conwy.gov.uk

Llandudno

Gyda modelau, arddangosfeydd rhyngweithiol a ffilmiau cyffrous, bydd y teulu cyfan yn mwynhau darganfod mwy am fywyd gwyllt amrywiol a hanes y Gogarth.
Cyfadeilad Copa'r Gogarth

Cyfeiriad

Great Orme Country Park, Llandudno, Conwy, LL30 2XF

Ffôn
01492 860963

enquiries@thesummitcomplex.co.uk

Llandudno

O’r lleoliad trawiadol hwn, mae’r Summit Complex yn cynnig golygfeydd aruthrol i chi o Landudno, ardaloedd o Barc Cenedlaethol Eryri, Ynys Môn a Môr Iwerddon.
Teithiau Gwarchodfa Natur Leol Coedwig Pwllycrochan

Cyfeiriad

Pwllycrochan Avenue, Colwyn Bay, Conwy, LL29 7BT

Ffôn
01492 575337

cg.cs@conwy.gov.uk

Colwyn Bay

Cyfres o 4 cylchdaith sy’n amrywio o .075 milltir i 1.25 milltir sy’n ymestyn ar draws y llethrau y tu ôl i dref Bae Colwyn.
Llwybr Beicio I Fyny i’r Llyn

Cyfeiriad

Cyffylliog, Cerrigydrudion, Conwy, LL15 2ED

Cerrigydrudion

Mae ‘I fyny i’r Llyn’ yn daith feicio eithaf hir a mynyddig, tua 42 cilomedr, ac yn ddelfrydol ar gyfer dechreuwyr a beicwyr canolradd ac unrhyw un sydd am brofi ei stamina heb ormod o waith technegol.
Teithiau Cerdded Pentrefoelas

Cyfeiriad

Pentrefoelas, Conwy, LL24 0HT

Ffôn
01492 575290

cg.cs@conwy.gov.uk

Pentrefoelas

Pum cylchdaith o wahanol hyd o bentref Pentrefoelas, sy’n enghraifft wych o bentref 'stad, sy'n cymryd ei enw o'r Foel-las, bryn bychan gerllaw lle bu unwaith gastell canoloesol cynnar.
Llwybr Beicio Anodd ar y Top

Cyfeiriad

Bod Petryal Picnic Site, Corwen, Conwy, LL21 9PR

Corwen

Dyma lwybr sy’n cyfateb i’w enw, mae’n daith anodd 57 cilomedr o hyd sy’n cynnwys bron i 1500m o ddringo gan herio’r beicwyr mwyaf heini (graddfa coch). Mae’r golygfeydd a’r ddisgynfa hir a chyffrous ar drac sengl yn wirioneddol werth chweil.
HistoryPoints

Cyfeiriad

Conwy

editor@historypoints.org

Edrychwch am y logo gwyrdd HistoryPoints ar waliau, ffenestri ac ati. Sganiwch y codau QR gyda’ch ffôn clyfar neu dabled i gael hanes cryno’r adeilad, y gofeb neu’r tirlun o'ch blaen o wefan HistoryPoints.org.
Gwyliau Beicio Gogledd Cymru

Cyfeiriad

Conwy

Ffôn
07919151759

northwalescyclingholidays@yahoo.com

Conwy

Ymunwch â ni yn Gwyliau Beicio Gogledd Cymru am ddau ddiwrnod o feicio ffordd di-dor.
Rydym wedi cynllunio eich taith i archwilio tirweddau syfrdanol a chefn gwlad hardd.
Y Rhaeadr Ewynnol

Cyfeiriad

Betws-y-Coed, Conwy, LL24 0DW

Ffôn
01690 710770

Betws-y-Coed

Mae’r Rhaeadr Ewynnol yn Ardal o Harddwch Naturiol Eithriadol lle mae’r Afon Llugwy’n llifo drwy hafn gul nes creu rhaeadr arbennig iawn gyda choed ffawydd, bythwyrdd a bedw yn y cefndir.
Llwybr Beicio Marine Drive

Cyfeiriad

Marine Drive, Great Orme, Llandudno, Conwy, LL30 2LP

allmail@cyclingnorthwales.co.uk

Llandudno

Llwybr beicio o amgylch Marine Drive ar y Gogarth, Llandudno.
Taith Ucheldir Huw Tom - Penmaenmawr i Rowen

Cyfeiriad

New York Cottages, Bangor Road, Penmaenmawr, Conwy, LL34 6LE

Penmaenmawr

Taith gerdded Huw Tom, 6 milltir (9.6 cilomedr) o hyd gyda golygfeydd godidog o Benmaenmawr ar yr arfordir drwy’r mynyddoedd i Rowen, pentref bychan yn Nyffryn Conwy.
Llwybr Beicio ar y Ffordd o Fae Colwyn i’r Gogarth ac yn ôl.

Cyfeiriad

Llanrwst Road, Colwyn Bay, Conwy, LL28 5YS

Colwyn Bay

Llwybr beicio ar y ffordd, 15 milltir o hyd (24 cilomedr) gan deithio ar hyd yr arfordir o Fae Colwyn i dref Llandudno a’r Gogarth - ac yn ôl.
Traws Eryri

Cyfeiriad

Conwy

Traws Eryri: Antur beicio mynydd 125 milltir newydd Conwy
Gan groesi calon Eryri arw, olygfaol, Traws Eryri yw llwybr beicio pellter hir mwyaf cyffrous yr ardal. Anghofiwch y ffordd, a dechreuwch ar yr antur.
Llwybr Brenig

Cyfeiriad

Llyn Brenig Visitor Centre, Alwen, Cerrigydrudion, Conwy, LL21 9TT

Ffôn
01490 389222

llynbrenig@dwrcymru.com

Cerrigydrudion

Mae Llwybr Brenig yn mynd o amgylch Llyn Brenig drwy’r goedwig ac ar hyd y glannau. Mae’r llwybr yn addas ar gyfer teuluoedd sydd am gerdded neu feicio, ac mae tua 9.5 milltir (15 cilomedr) o hyd.
Y Tŷ Lleiaf ym Mhrydain

Cyfeiriad

Lower Gate Street, Conwy, Conwy, LL32 8BE

Ffôn
01492 573965

info@thesmallesthouse.co.uk

Conwy

Gellir dod o hyd i’r Tŷ Lleiaf ym Mhrydain yn swatio o blith teras o dai ar lan y cei yng Nghonwy. Ni allwch golli’r tŷ lleiaf a byddech yn wallgof i beidio â bwrw’ch pen i mewn i gael golwg ar eich ffordd heibio.
Pysgota yn Llyn Aled

Cyfeiriad

Llyn Aled, Pentrefoelas, Conwy

Ffôn
01490 389222

Pentrefoelas

Mae Llyn Aled yng nghanol rhostiroedd uchel Hiraethog. Mae’r safle anial, ond hyfryd hwn sydd dros 250 troedfedd uwch lefel y môr, yn gallu bod yn wyntog, ond dyma le da iawn i bysgota cwrs am ddraenogiaid, penhwyaid bras a chochiaid.
Barc Coedwig Gwydir

Cyfeiriad

Holyhead Road, Betws-y-Coed, Conwy, LL24 0AA

Ffôn
0300 0680300

Betws-y-Coed

Coedwig o lynnoedd a mynyddoedd yng nghanol Eryri. Mae Parc Coedwig Gwydir yn gartref i ystod eang o weithgareddau a bywyd gwyllt.
Teithiau Cerdded Llanrwst: Llwybr 2 yn cynnwys Coed y Felin

Cyfeiriad

Glasdir, Station Road, Llanrwst, Conwy, LL26 0DF

Llanrwst

Mae'r gylchdaith hon yn cychwyn o dref farchnad Llanrwst ac yn mynd â chi trwy goetir hynafol Coed y Felin Llanddoged i bentref Llanddoged ac yna byddwch yn dilyn llwybrau ar draws tir fferm gyda golygfeydd godidog o Eryri a Dyffryn Conwy.